CALEG DAN GOLPUT

Awiii ko Too Bai baru pulang dari Pak Laru di Pantai LLBK andia ko depung jalan su mamalek,  tapi su bagitu ko dia tetap semangat bacarita soal Caleg, ko dia pung hebat na !! Kata Teo Uli sambar bacarita deng suara keras dari dapur waktu dia dengar ini Bu Ato deng Too Anis bacarita di teras rumah. Trus Bu Ato tanya dengan Teo Uli, Teo Uli beta dengar Too Bai ikut Caleg ju ow ko dia pung Parte Nama apa, trus jawab Teo Uli, parte BINTANG  tapi beta sonde tusuk itu Parte b tusuk lain sa kata Teo Uli, trus apa Too Bai sonde marah ko Teo Uli tusuk lain, jawab Teo Uli bilang ko Too Bai dia mau marah beta ko, atau beta marah dia kambali to, itu sa ko repot. Ko Too Anis e jaman sekarang sonde ada orang yang mau paksa paksa lai sekarang katong tusuk sesuai hati nurani sa.
Walaupun Too Bain tusuk parte BINTANG, tapi beta pilih parte lain karna beta ju ada alasan ia to. Jawab Too Anis batul sakali Teo pung cara berpikir su bagus. Jawab Teo son mau kala, dia bilang, sapa dolo ko beta na!! Trus lanjut cerita Too Anis, dia jawab Ho lebe bae sa yang penting dong jangan ikut GOLPUT sa. Kalo dong itu GOLPUT alias golongan putih, itu rugi sakali bagi katong ju dan juga bagi pamarenta dong ju.
Sambar Too Anis berapi api.